25 Jahr Risitobel-Häxe - das isch e Reis wärt!!!
Aareis
Im Zug nochli müed, dänn e erschti Stärchig uf em Flughafe und im Flugi, nachem Taxistreik simmer ändli im Hotel aacho. Die einte händ d'Ussicht gnosse und die andere de Durscht gstillt.
Churz nachem Iichecke fangt au scho euisi Jubiläums-GV aa. Bi strahlend blauem Wetter, am Pool – was wett mer meh??? Und nach de GV direkt an Strand – gnüsse, bade, taufe...
Nach em Uufenthalt am Meer hämmer euis dänn müesse mit emene feine Nachtässe stärche – vor em Sturm uf de Ballermann...
Während die einte Häxe am Samschtig en Uusflug über d'Insle gmacht händ...
... händ die reschtliche de Ballermann unsicher gmacht :-)
Aber am Abig hämmer euis wieder alli troffe...!
Nach zwei megacoole Täg gahts am Sunntig leider scho wieder retour Richtig Schwiiz...
Es hät megaspass gmacht, mit eui Häxe die Reis dörfe z'gnüsse.
Danke allne, wo debii gsii sind.
Ich würd säge – es isch die geilschti GV gsii, ever ever ever.
Und i 5 Jahr gömmer wieder... :-))
