Mitglieder

Euise Verein zählt momentan 18 Aktiv-Häxe. A de Umzüg werded mir aber durch d’Jung-Häxe us de eigene Reihe verstärcht. Es sind scho 10 Kind. Dadezu chömmer uf d’Unterstüzig vo vielne Passiv-Mitglieder und diverse freiwillige Hälfer zelle.

Wie wird mer ä Risitobel-Häx?

Falls du interessiert bisch, meld dich bi euisem Presidänt, de Schnupf-Häxe. Er wird dich über Ufnahmebedingige und s’Probejahr informiere.

Schnupper-Häx:

Wenn du die generelle Ufnahmebedinige erfüllsch, chasch a de kommende Fasnacht als Schnupper-Häx es Probejahr mache. Verlauft das Probejahr ohni Verfählig oder suschtige Problem (siehe auch Vereinsstatuten), muesch a de folgende GV einstimmig gwählt werde (isch nöd s’gliiche wie d’Taufi).

Neu-Häx:

Als Neu-Häx bisch du zwar scho ufgno, tauft wirsch aber erscht a de GV vom folgende Jahr. D’Taufi isch traditionell und streng!

Aktuelli Schnupper- und Neu-Häxe:

Allfälligi neui Schnupper-Häxe werded in dä Fasnachts-Saison 2012/2013 es Probejahr absolvieren und werded viellicht a de kommende Generalversammlig ufgno (Ablauf siehe oben).